A+ R A-
26 اپریل 2017
RSS Facebook Twitter Linkedin Digg Yahoo Delicious

Ads1

ایڈمن

ایڈمن

اسلام آباد: دنیا بھر میں جہاں کرکٹ ورلڈکپ کی دھوم ہے وہیں پاکستان اور بھارت کے انتہائی اہم مقابلے کو لے کر پاکستانی سیاستدان بھی کچھ جذباتی نظر آتے ہیں اسی لیے حکومت نے پاک بھارت میچ کے دوران ملک بھر میں لوڈشیڈنگ نہ کرنے کا فیصلہ کیا ہے لیکن پانی بجلی کے وزیر مملکت کا کہنا ہے کہ اگر قومی ٹیم فائنل تک پہنچی تو پورے ماہ لوڈشیڈنگ نہیں ہوگی۔

 

ایکسپریس نیوز کےمطابق ورلڈکپ میں پاک بھارت میچ پر جذبات کا اظہار کرتے ہوئے بیشتر ارکان پارلیمنٹ نے روایتی حریف کے سامنے قومی ٹیم کو فیورٹ قرار دیا اور اس موقع پر مسلم لیگ (ن) کے رہنما مشاہداللہ خان کا کہنا تھا کہ بھارت سے مقابلے میں ہماری ٹیم فیورٹ ہے اور اس بار بھارت سے جیتنے میں کامیاب ہوجائیں گے جب کہ پیپلزپارٹی کے رہنما ایازسومرو نے کہا کہ میری خواہش ہے کہ پاک سرزمین کے کھلاڑی جیت کر آئیں۔

وزیر مملکت پانی وبجلی عابد شیر علی نے کہا کہ اس وقت ٹیم اسپرٹ بہت بہتر ہے، قومی ٹیم اس بار نہ صرف بھارت سے جیتے گی بلکہ 1992 کی طرح فاتح بننے کی تاریخ بھی دہرائے گی جبکہ وزیر مملکت نے قوم کو خوشخبری بھی سنائی جس میں ان کا کہنا تھا کہ اگر قومی ٹیم جیتتی رہی اور فائنل تک پہنچی تو پورے ماہ لوڈشیڈنگ نہیں کی جائے گی۔

یڈیلیڈ: دنیا بھر کی نظریں پاکستان اور بھارت کے درمیان آسٹریلیا کے میدان ایڈیلیڈ میں ہونے والے ورلڈ کپ کے گروپ میچ پرلگی ہوئی ہیں اور دونوں ٹیمیں اس کی بھر پور تیاری کر رہی ہیں جب کہ میچ کے دوران سورج بھی اپنے آب و تاب کے ساتھ جلوہ گر رہے گا۔

 

روایتی حریف بھارت کے خلاف میچ کے لیے قومی ٹیم کے پاس 15 کھلاڑی دستیاب ہیں جن میں سے اس انتہائی اہم میچ کے لیے جن کھلاڑیوں کو مصباح الیوان کا حصہ بننے کے لیے منتخب کیا جاسکتا ہے ان میں احمد شہزاد، احسان عادل، حارث سہیل، محمد عرفان، ناصر جمشید، راحت علی، سرفراز احمد، شاہد آفریدی، صہیب مقصود، سہیل خان، عمر اکمل، وہاب ریاض، یاسر شاہ اور یونس خان شامل ہیں۔

دوسری جانب بھارتی کپتان مہندرا سنگھ دھونی کے پاس جو کھلاڑی دستیاب ہیں ان ہی میں سے اعصاب شکن مقابلے کے لیے مہروں کو چنا جائے گا جن میں ایشون، اسٹیورٹ بینی، شیکر دھون، راویندرا جڈیجا، ویرات کوہلی، بھونیشور کمار، اکشر پٹیل، آجنکیا راہنے، سریش رائنا، امبتی ریادو، مہت شرما، روہت شرما، محمد سمیع اور امیش یادیو شامل ہیں۔

پاک بھارت میچ میں فیلڈ امپائرنگ کے فرائض انگلینڈ کے رچرڈ کیٹل بوروف اور آیان گاولڈ انجام دیں گے، ٹی وی امپائر آسٹریلیا کے اسٹیو ڈیوس ہوں گے جب کہ میچ ریفری کی ذمہ دار رانجن مادو گالے نبھائیں گے۔

ماحول کو گرما دینے والے اس میچ کے روز ایڈیلیڈ کا موسم بھی کچھ گرم رہے گا جہاں آسٹریلوی محکمہ موسمیات کے مطابق بارش کا کوئی امکان نہیں اور درجہ حرارت 39 ڈگری سینٹی گریڈ تک رہے گا جس کے باعث گرمی بھی اپنے عروج پر ہوگی۔

 

اہور(سعید چودھری )ماضی کے دو ادوار میں رجوعہ ضلع چنیوٹ میں قیمتی معدنیات نکالنے کے ٹھیکہ میں اربوں روپے کی کرپشن کے الزامات کی تحقیقات کرکے ذمہ داروں کے خلاف مقدمہ کے اندراج کی منظوری کے لئے انٹی کرپشن اسٹیبلشمنٹ نے سمری وزیراعلی ٰ ہاﺅس بھجوا دی۔باوثوق ذرائع کے مطابق سمری میں کہا گیا ہے کہ انٹی کرپشن اسٹیبلشمنٹ مذکورہ ٹھیکہ کی کرپشن کے معاملہ پر کارروائی کی مجاز ہے ۔تفصیلات کے مطابق 2007میں اس وقت کی پنجاب حکومت نے ارتھ ریسورسز پرائیویٹ لمیٹڈ نامی ایک کمپنی کے ساتھ رجوعہ ضلع چنیوٹ میں اربوں روپے مالیت کی معدنیات نکالنے کے لئے باہمی مفاہمت کی یادداشت پر دستخط کئے اور بعدازاں 2008کی نگران حکومت کے دور میں اس کمپنی کے ساتھ ٹھیکہ کی منظوری دی گئی ۔جس کے تحت ارتھ ریسورسز پرائیویٹ لمیٹڈ کمپنی نے یہ معدنیات نکالنی تھیں اور اسے صاف کرنے کے لئے مل بھی لگانا تھی جس کی تکمیل پر معدنیات کے اس ذخیرے کے 75فیصد حصص ارتھ ریسورسز پرائیویٹ لمیٹڈ کمپنی کو منتقل ہوجاتے اور پنجاب معدنیاتی ترقیاتی کارپوریشن کے حصے میں 25فیصد حصص اور رائلٹی کے حقوق آتے ۔ذرائع کے مطابق یہ ٹھیکہ بغیر کسی اشتہار کے انتہائی جلد بازی میں دیا گیا ،اس حوالے سے متعلقہ افراد پر اربوں روپے کی خوربرد کی کوشش کا الزام ہے ۔2010میں وزیر اعلی ٰ شہباز شریف کی حکومت نے یہ ٹھیکہ منسوخ کردیا جسے مذکورہ کمپنی کے مالک ارشد وحید نے لاہور ہائی کورٹ میں چیلنج کیا ۔ہائی کورٹ نہ صرف ٹھیکہ کی منسوخی کو جائز قرار دیا بلکہ اس ڈیل میں ملوث افرادکے خلاف کارروائی کے لئے معاملہ نیب کو بھی ریفر کردیا ۔سپریم کورٹ نے بھی لاہور ہائی کورٹ کا فیصلہ برقرار رکھا تاہم نیب نے یہ قرار دے کر معاملہ داخل دفتر کردیا کہ "کرپشن "کے اس کیس میں رقم کی ریکوری کا معاملہ نہیں ہے اس لئے نیب کو کارروائی کا اختیار نہیں ۔بعدازاں یہ معاملہ انٹی کرپشن اسٹیبلشمنٹ کے سپردکردیا گیا ،جس نے انکوائری مکمل کرکے اندراج مقدمہ کی منظوری کے لئے سمری وزیر اعلیٰ ہاﺅس بھجوا دی ہے ۔ذرائع کے مطابق 2007-2008ءکی حکومتوں کے مرکزی عہدیداروں کے علاوہ اس وقت کے سیکرٹری معدنیات اور وزیر معدنیات کو بھی مذکورہ غیر قانونی ٹھیکے کا ذمہ دار ٹھہرایا گیا ہے ۔یادرہے کہ اس وقت کے وزیر معدنیات اب پاکستان تحریک انصاف کے میانوالی سے ممبر پنجاب اسمبلی ہیں ۔

خیبر ایجنسی( مانیٹرنگ ڈیسک ) سیکورٹی فورسز نے سرچ آپریشن کے دوران امامیہ مسجد پر خود کش حملہ کرنے والے مبینہ دہشت گرد گرفتار کر لیے۔تفصیلات کے مطابق گزشتہ روز امام بارگاہ امامیہ مسجد میں خود کش حملہ کرنے والے دہشت گردوں کو گرفتار کر لیا۔خیبر ایجنسی میں سیکورٹی فورسز نے سرچ آپریشن کے دوران 6 دہشت گرد گرفتار کیے ہیں جن میں سے 2 دہشت گردوں پر امامیہ مسجد پر خود کش حملہ کرنے والوں کے سہولت کار تھے جبکہ ایک دہشت گرد پر مالی معاونت کا الزام بھی ہے۔سیکورٹی ذرائع کے مطابق گرفتار دہشت گردوں کو نامعلوم مقام پر منتقل کر دیا گیا ہے

کراچی(مانیٹرنگ ڈیسک) پرویز مشرف اہلیت کیس میں سندھ ہائی کورٹ نے تفصیلی فیصلہ جاری کر دیا ہے جس کے مطابق پر ویز مشرف کو اسمبلی رکنیت سے نا اہل قرار دےدیا گیا ہے۔تفصیلات کے مطابق پرویز مشرف اہلیت کیس کی سماعت جسٹس مقبول باقر کی سرباراہی میں تین رکنی بنچ نے کی جس نے اپنے تفصیلی فیصلے میں پرویز مشرف نے اسمبلی رکنیت کیلئے نا اہل قرار دے دیا ہے۔جسٹس مقبول باقر کاکہنا تھا کہ پرویز مشرف با کردار نہیں ہیں اور آئین کے آرٹیکل 62,63 پر پورا نہیں اترتے اس لیے انہیں اسمبلی رکنیت کیلئے اہل قرار نہیں دیا جا سکتا۔

اہور (ویبڈ یسک) ویلنٹائن ڈے سے ایک روز قبل شہر میں گلاب کا ایک پھول 10 تا 20 روپے کے بجائے 50 تا 100 اور کچھ مقامات پر 200 روپے میں بھی فروخت ہوتا رہا، دوسری جانب 200روپے والا بکے 500 روپے میں اور 500 روپے والا بکے 800 روپے میں فروخت کیا جاتا رہا۔ جیولری بھی مہنگی ہوگئی، 500 روپے والی رنگ 1000 روپے میں اور 1000 روپے والی رنگ 1500 روپے میں فروخت کی جاتی رہی۔ لاہور کی تمام بڑی چھوٹی مارکیٹیں گزشتہ روز گاہکوں اور سٹالز سے سج گئیں۔ گلاب کے پھول، جیولری اور گفٹ شاپ کی دکانوں پر لڑکے اور لڑکیوں کی کثیر تعداد خصوصاً بچیاں اپنے پیاروں کے لئے گفٹ خریدنے میں مصروف نظر آئیں۔

اسلام آباد(مانیٹرنگ ڈیسک) سینیٹ الیکشن کے بعد تحریک انصاف نے جموں و کشمیر کے ضمنی انتخابات میں بھی حصہ لینے کافیصلہ کر لیا ہے۔تفصیلات کے مطابق تحریک انصاف کی ترجمان شیریں مزاری کاکہنا تھا کہ مسلم لیگ ن جموں وکشمیر میں انتخابات کروانے سے گھبراتی ہے ہماری پارٹی جموں وکشمیر میں حکومت بنانے میں کامیاب ہو جائے گی ۔شیریں مزاری کا سینیٹ انتخابات پر کہنا تھا کہ سینیٹ انتخابات کیلئے تحریک انصاف کے امیدواروں کاانتخاب میرٹ پر ہواہے۔شیریں مزاری کا مزید کہنا تھا کہ نواز شریف کو دھرنا فوبیہ ہو گیا ہے اور دھرنے کی وجہ سے ہی پٹرول کی قیمتیں کم ہوئیں ۔

لاہور(مانیٹرنگ ڈیسک)وزیراعظم نوا ز شریف نے کہاہے کہ میڈیا محاسبہ کرے تو پاکستان جمہوریت کے راستے سے نہیں ہٹے گا، میڈیا کا کردار درھرنا سیاست میں اتنا قابل تحسین نہیں ،ہم خود جکڑ ے گئے پر میڈیا کی آزادی کو نہیں جکڑا,پاکستان کے کچھ معاملات میں غیر ملکی ہاتھ کو خارج ازامکان قرار نہیں دیا سکتا۔سی پی این کی تقریب سے خطاب کرتے ہوئےوزیر اعظم نے کہاکہ میڈیا نے دھرنے کے دوران میرے مستعفی ہونے کی خبریں بھی چلائیں لیکن صبر و تحمل کا دامن نہیں چھوڑا اور سب کچھ برداشت کرتے رہےاور نہ ہی میڈیا کی آزادی پر کوئی آنچ آنے دی۔انہوں نے کہاکہ کچھ ایسے بھی صحافی ا ن کے سامنے بیٹھے ہیں جنہوں نے مشرف کے مارشل لاءکو سپورٹ کیا لیکن کچھ ایسے صحافی بھی ہیں جنہوں نے اس کو سپورٹ نہیں کیاہےاور قانون کے دامن کو تھامے رکھا،اگر میڈیا محاسبہ کرے تو پاکستان میں جمہوریت کبھی بھی ڈیل نہیں ہو گی۔

نواز شریف نے کہاکہ میڈیا خواہ مخواہ کسی کی پگڑی نہ اچھالے بلکہ سچ کا دامن تھامے رکھے اور ظلم کیخلاف آواز بلند کرتا رہے ۔کچھ ایسے معاملات ہوتے ہیں جس میں میڈیا اکھٹا ہو جاتاہے لیکن کچھ ایسے بھی معاملات ہوتے ہیں جن میں میڈیا اکھٹا نہیں ہوتا ۔انہوں نے کہاکہ نے اس موقع پر دھرنا سیاست نے ملک کو شدید نقصان پہنچایا جس کے باعث روپے کی قدر میں کمی آئی دوسر ا یہ کہ چینی صدر کا دورہ پاکستان ملتوی ہو گیاہے اور دنیا میں پاکستان کے امیج پر اثر پڑا جو کہ انتہائی قابل افسوس بات ہے ۔
وزیراعظم نے کہا کہ پاکستان اس وقت مشکل دور سے گزر رہاہے ،پاکستان میں سب بڑا آپریشن دہشت گردی کیخلاف چل رہاہے جس میں تمام سیاسی جماعتوں نے اختلافات بھلا کر اپنے تعاون کی یقین دہانی کرائی اور ایک پلیٹ فارم پر اکٹھا ہوئے لیکن اب میڈیا کو بھی اس میں اپنا کردار ادا کرناہے اور پاکستان کیخلا ف اٹھنے والی ہر آواز کو پسپا کرنا ہے ۔
نواز شریف نے کہاکہ وزارت عظمی کوئی پھولوں کا سیج نہیں ہے اور نہ ہی اس پر بیٹھنا اتنا آسان لیکن قوم کی بہتری کے لیے یہ ذمہ داری قبول کی اور بھرپور کوشش کر رہے ہیں کہ پاکستان کے سنگین مسائل کو اسی دور حکومت میں حل کیا جائے ۔انہوں نے کہاکہ ایل این جی کے ذریعے 2017میں 3600میگاواٹ بجلی پیدا کی جائے گی جس سے ملک میں جاری توانائی بحران ختم کرنے میں بہت زیاد مدد ملے گی۔
ان کا کہناتھاکہ اگر وہ کسی کو پسند نہیں ہیں تو اس کا مطلب یہ نہیں ہے کہ وہ مجھ پر الزام لگانا شروع کردے، میں یہ نہیں سمجھتا کہ یہ کوئی مناسب بات ہے اور اس طرح کے الزامات لگانا میڈیا کو زیب نہیں دیتا ۔انہوں نے کہا انہوں نے اللہ سے وعدہ کیا تھا کہ کبھی کسی کی غیبت نہیں کروں گا اور آج تک اپنی بات پر قائم ہوں ۔

ایک سوال کے جواب میں نوازشریف نے کہا کہ سانحہ بلدیہ ٹاﺅن کے قصور وار کا تعلق کسی بھی جماعت سے ہو انصاف کے تقاضے پورے کے جائیں گے ۔انہو ں نے کہاکہ پاکستان کے معاملا ت میں غیر ملکی ہاتھ کو خارج ازامکان قرار نہیں دیا جاسکتا ،بعض معاملات میں غیر ملکی ہاتھ ہونے کے شواہد بھی ملے ہیں ۔

اس موقع پر  سی پی این ای (کونسل آف نیوزپیپرز ایڈیٹرز)کے صدر مجیب الرحمان شامی نے وزیراعظم نوازشریف کا تقریب میں شرکت پر شکریہ اداکرتے ہوئے کہاکہ گزشتہ دو سالوں میں جب سے وزیراعظم صاحب نے منصب سنبھالہ ہے میڈیاپر کوئی سلب نہیں آئی ،آپ نے میڈیا کی آزادی کے لیے بہت کچھ کیا۔انہوں نے کہاکہ ماضی میں بار بار آئین کی پامالی کے باعث ملک کو دہشت گردی اور انتہا پسندی جیسے مسائل درپیش ہیں لیکن وزیراعظم نواز شریف کے دہشت گردی کیخلاف اقدامات قابل تحسین ہیں ۔انہوں نے کہاکہ آپ کی کوششوں سے ملکوں میں بہت زیادہ خوشحالی آئی ہے اس میں کوئی شک نہیں ہے، لیکن گورننس کی شفافیت کے حوالے سے کافی شکایات ملتی نظر آتی ہیں اور وزراءبھی بطور ٹیم کام کرتے نظر نہیں آتے اور حالیہ پٹرول بحران میں یہ باتیں کھل کر سامنے آئیں۔
روز نامہ پاکستان کے ایڈیٹر انچیف اورسی پی این ای کے صدرسینئر صحافی مجیب الرحمان شامی نے کہاہے کہ آپ کی حکومت نے کراچی میں امن اور کراچی کی روشنیاں بحال کرنے کے لیے جو اقدامات کیے ہیں وہ انتہائی قابل تحسین ہیں ۔انہوں نے کہاکہ آپ کی حکومت سے پہلے 15سالوں میں کسی نے بھی دہشت گردوں کا خاتمہ کرنے کے لیے ایکشن پلان نہیں بنایا اور یہ اعزاز بھی آپ کو ہی حاصل ہوا۔

لاہور(مانیٹرنگ ڈیسک)وزیراعظم نوا ز شریف نے کہاہے کہ میڈیا محاسبہ کرے تو پاکستان جمہوریت کے راستے سے نہیں ہٹے گا، میڈیا کا کردار درھرنا سیاست میں اتنا قابل تحسین نہیں ،ہم خود جکڑ ے گئے پر میڈیا کی آزادی کو نہیں جکڑا,پاکستان کے کچھ معاملات میں غیر ملکی ہاتھ کو خارج ازامکان قرار نہیں دیا سکتا۔سی پی این کی تقریب سے خطاب کرتے ہوئےوزیر اعظم نے کہاکہ میڈیا نے دھرنے کے دوران میرے مستعفی ہونے کی خبریں بھی چلائیں لیکن صبر و تحمل کا دامن نہیں چھوڑا اور سب کچھ برداشت کرتے رہےاور نہ ہی میڈیا کی آزادی پر کوئی آنچ آنے دی۔انہوں نے کہاکہ کچھ ایسے بھی صحافی ا ن کے سامنے بیٹھے ہیں جنہوں نے مشرف کے مارشل لاءکو سپورٹ کیا لیکن کچھ ایسے صحافی بھی ہیں جنہوں نے اس کو سپورٹ نہیں کیاہےاور قانون کے دامن کو تھامے رکھا،اگر میڈیا محاسبہ کرے تو پاکستان میں جمہوریت کبھی بھی ڈیل نہیں ہو گی۔

نواز شریف نے کہاکہ میڈیا خواہ مخواہ کسی کی پگڑی نہ اچھالے بلکہ سچ کا دامن تھامے رکھے اور ظلم کیخلاف آواز بلند کرتا رہے ۔کچھ ایسے معاملات ہوتے ہیں جس میں میڈیا اکھٹا ہو جاتاہے لیکن کچھ ایسے بھی معاملات ہوتے ہیں جن میں میڈیا اکھٹا نہیں ہوتا ۔انہوں نے کہاکہ نے اس موقع پر دھرنا سیاست نے ملک کو شدید نقصان پہنچایا جس کے باعث روپے کی قدر میں کمی آئی دوسر ا یہ کہ چینی صدر کا دورہ پاکستان ملتوی ہو گیاہے اور دنیا میں پاکستان کے امیج پر اثر پڑا جو کہ انتہائی قابل افسوس بات ہے ۔
وزیراعظم نے کہا کہ پاکستان اس وقت مشکل دور سے گزر رہاہے ،پاکستان میں سب بڑا آپریشن دہشت گردی کیخلاف چل رہاہے جس میں تمام سیاسی جماعتوں نے اختلافات بھلا کر اپنے تعاون کی یقین دہانی کرائی اور ایک پلیٹ فارم پر اکٹھا ہوئے لیکن اب میڈیا کو بھی اس میں اپنا کردار ادا کرناہے اور پاکستان کیخلا ف اٹھنے والی ہر آواز کو پسپا کرنا ہے ۔
نواز شریف نے کہاکہ وزارت عظمی کوئی پھولوں کا سیج نہیں ہے اور نہ ہی اس پر بیٹھنا اتنا آسان لیکن قوم کی بہتری کے لیے یہ ذمہ داری قبول کی اور بھرپور کوشش کر رہے ہیں کہ پاکستان کے سنگین مسائل کو اسی دور حکومت میں حل کیا جائے ۔انہوں نے کہاکہ ایل این جی کے ذریعے 2017میں 3600میگاواٹ بجلی پیدا کی جائے گی جس سے ملک میں جاری توانائی بحران ختم کرنے میں بہت زیاد مدد ملے گی۔
ان کا کہناتھاکہ اگر وہ کسی کو پسند نہیں ہیں تو اس کا مطلب یہ نہیں ہے کہ وہ مجھ پر الزام لگانا شروع کردے، میں یہ نہیں سمجھتا کہ یہ کوئی مناسب بات ہے اور اس طرح کے الزامات لگانا میڈیا کو زیب نہیں دیتا ۔انہوں نے کہا انہوں نے اللہ سے وعدہ کیا تھا کہ کبھی کسی کی غیبت نہیں کروں گا اور آج تک اپنی بات پر قائم ہوں ۔

ایک سوال کے جواب میں نوازشریف نے کہا کہ سانحہ بلدیہ ٹاﺅن کے قصور وار کا تعلق کسی بھی جماعت سے ہو انصاف کے تقاضے پورے کے جائیں گے ۔انہو ں نے کہاکہ پاکستان کے معاملا ت میں غیر ملکی ہاتھ کو خارج ازامکان قرار نہیں دیا جاسکتا ،بعض معاملات میں غیر ملکی ہاتھ ہونے کے شواہد بھی ملے ہیں ۔

اس موقع پر  سی پی این ای (کونسل آف نیوزپیپرز ایڈیٹرز)کے صدر مجیب الرحمان شامی نے وزیراعظم نوازشریف کا تقریب میں شرکت پر شکریہ اداکرتے ہوئے کہاکہ گزشتہ دو سالوں میں جب سے وزیراعظم صاحب نے منصب سنبھالہ ہے میڈیاپر کوئی سلب نہیں آئی ،آپ نے میڈیا کی آزادی کے لیے بہت کچھ کیا۔انہوں نے کہاکہ ماضی میں بار بار آئین کی پامالی کے باعث ملک کو دہشت گردی اور انتہا پسندی جیسے مسائل درپیش ہیں لیکن وزیراعظم نواز شریف کے دہشت گردی کیخلاف اقدامات قابل تحسین ہیں ۔انہوں نے کہاکہ آپ کی کوششوں سے ملکوں میں بہت زیادہ خوشحالی آئی ہے اس میں کوئی شک نہیں ہے، لیکن گورننس کی شفافیت کے حوالے سے کافی شکایات ملتی نظر آتی ہیں اور وزراءبھی بطور ٹیم کام کرتے نظر نہیں آتے اور حالیہ پٹرول بحران میں یہ باتیں کھل کر سامنے آئیں۔
روز نامہ پاکستان کے ایڈیٹر انچیف اورسی پی این ای کے صدرسینئر صحافی مجیب الرحمان شامی نے کہاہے کہ آپ کی حکومت نے کراچی میں امن اور کراچی کی روشنیاں بحال کرنے کے لیے جو اقدامات کیے ہیں وہ انتہائی قابل تحسین ہیں ۔انہوں نے کہاکہ آپ کی حکومت سے پہلے 15سالوں میں کسی نے بھی دہشت گردوں کا خاتمہ کرنے کے لیے ایکشن پلان نہیں بنایا اور یہ اعزاز بھی آپ کو ہی حاصل ہوا۔

چارسده فیس بک پر لائک کریں

چارسده فوٹو گیلری

Advertisement